Archive for the ‘Jeneraly Richard Ravalomanana’ Category
Hinoako fa tsy dia ilaina intsony ny andehanan’ny Jeneraly Richard Ravalomanana hisambotra any Remenabila. Satria, ireo namany hafa be galona nanao ny « école de guerre » dia efa maro no lasa any Atsimo anao izay ho hafany amin’izany fitadiavana any Remenabila izany. Miaraka ireo (mercenaire) miaramila frantsay.
Rehefa avy nitafa sy nidinika ary nanao famakafakana ny fiainam-pirenena izahay vahoaka dia tsotra: « Manome baiko anao Jeneraly hisambotra tsy misy fepetra an’ireo DAHALO AMBONY LATABATRA rehetra ireo. »
Mino izahay Jeneraly fa dia fantatrao tsara izany adidy sy andraikitra omena anao izany. Tsy ilaina intsony ny mitanisa fa ny fanomezana tsodrano ho anao amin’ity asa fanavotam-pirenena ity sisa no azo atao.
Koa : « AMIN’NY ANARAN’NY VAHOAKA MALAGASY NO HANOMEZANA FAHEFANA FENO HO ANAO JENERALY. FISAMBORANA AINGANA DIA AINGANA IREO DAHALO BE MANAO IZAY HO HAFANY AMIN’NY FANAPOTEHANA NY FIRENENA, NY FAMONOANA NY VAHOAKA, ARY NY FANAOVANA TSINOTSINONA NY HASIN’NY MAHA MALAGASY. »
Manao sonia eto ambany
Ny fikambanan’ny tafika mpitoraka bilaogy sy ny tafi-bahoaka mampiasa ny « internet »
Ny filohany
Andriamatoa isany tsy matahotra ny ratsy
Sekretera jeneraly
Andriamatoa sy ramatoa isany kakakaka