Archive for the ‘Fitantanana mampiomehy’ Category

Raha ho bangoiko amin’ny andalana vitsivitsy ny zava-misy eto Madagasikara dia tahaka izao: 

ZAVA-MISY:

– Ny harena ao ambany tany (vatosoa, volamena, charbon, pétrole sns.)

– Ny harena eo ambony tany (Hazo sarobidy, biby isan-karazany, voninkazo sns.)

– Ny harena an-dranomasina (biby isan-karazany, voninkazo isan-karazany, pétrole-offshore sns.) Ohatra: Ny orinasa amerikanina EXXON MOBIL dia efa nahazo « permis d’exploitation » hitrandraka io haren’ny Malagasy an-dranomasina io

– Ny harena an-habakabaka ho an’ireo « activiste » na ireo olona manam-pahaizana @ « environnement » sy ny mifandraika @ izany dia mahafantatra tsara ny zavatra tiako ho lazaina fa vola be io resaka io. Ohatra: Ny compagnie AIR FRANCE dia efa nampiasa vola be aminio resaka io!

– Ireo KARANA, AFRIKANINA, SINOA, FRANTSAY, MALAGASY sy ireo fatimbazahy maro isan-karazany mpanao afera cocaïne sy héroïne eto Madagasikara (Any Diego any no fampidirana ny héroïne avy Any Pakistan raha haka ohatra Iray isika)

– Ny harena lehibe indrindra dia ny OLOMBELONA ( miroborobo ny fatimbazahy « retraité » sy ny fatimbazahy tsy misy valera manenjika ny tanora lahy sy vavy mpaka sy mpamotika ny taranaka.

– Ny Olombelona sy ny Aliaka dia miaraka sahirana, mitady ny sakafony ao anaty zoridira.

– Ny fandefasana ny malagasy hiasa Any ivelany ho lasa ANDEVO (esclavage moderne).

– Ny tena mampatahotra indrindra amin’izao fotoana izao ihany koa dia ity resaka État Islamique (EI) ity. Misy io tompokolahy sy tompokovavy ary isan’ireo mpamatsy vola be an’ireo ny KARANA mpanankarena eto Madagasikara.

Misy io ary efa betsaka ireo mpampianatra ny CORAN Any anatin’ireny mosquée ireny no efa misy manaramaso. Avy any Syrie any izao efa betsaka ry zalahy no mody mampianatra ireo tanora malagasy kely saina, marivo salosana, malemy fanahy… Nohon’ny fahantrana dia voatarika amin’ny resaka « extrémisme religieux ».

VOKANY:

– Ny Malagasy dia tsy mahazo manofy hanana fiainana tsara

– Ny Malagasy dia atao tohatra fiankaran’ny mpanao afera maloto sy ny politisianina.

– Ny malagasy dia bedy sy migadra raha te higoaka ny fahasoavana azo avy amin’ny harem-pireneny

– Fanabeazana amin’ny ratsy no misy eto amin’ny Firenena.

– Lojika raha iomehezan’ireo vahiny fotsiny isika. Satria, isika ihany no manimba ny hasin’i Madagsikara sy ny maha Malagasy antsika ( donnez-nous argent mpamatsy vola/CI)

FEHINY:

– Nandritra ny fitondrana TETEZAMITA no tena nampiroborobo ny resaka MAFFIOSI teto Madagasikara.

– Ny politisianina malagasy, tsy an-kanavaka, miampy ireo « opportunistes » vaovao hilatsaka @ fifidianana izay ho Ben’ny tanana eo, dia mila manana loha malemy efa mikantona tsara ary tokony masahy mandray andraikitra, amin’ny fitadiavana ny soa sy ny tsara ho an’i Madagasikara sy ny mponina ao aminy.

– Isika « contribuables » na isika mpandoa hetra indray, dia tokony matotra sy mahay manaraka ny fandehany volantsika ary tsy tokony variana amin’ny « politique partisane/fanatique » ka rehefa miaraka ny MAPAR sy ny TIM dia eo vao ankina avokoa (infantilisation)

Pakysse

image

Sary: nalaina tao amin’ny Google; Andry Rajoelina niaraka tamin’ireo miaramila mpanogam-panjakana

Mihevitra fa mbola ilaina eto amin’ny firenena, ny fomba amam-panao maloto sy ny fisainana jiolahimboto. Raha tsy mitandrina tsara nefa, i Hery Rajaonarimampianina mivady. Raha ny fomba amam-panaon’i Dijaka sy ny manodidina azy no jerena. Afaka fotoana fohy, dia mety ho avy eny Tsimbazaza, Ambohitsirohitra ary Iavoloha ny tafondro sy ny basy ary ireo mpikarama an’ady mitam-piadiana isan-karazany.

Lasa mpampianatra politika ny mpikarakara lanonana

Talanjona sy variana ny rehetra, raha nanome fanazavana amin’ny tokony ho atao, eo amin’ny lafiny ara-politika ingahy Rajoelina. Orakoraka sy tabataba feno fifaliana no nandraisan’ireo mpankafia azy tamin’izany. Raha izay tokoa mantsy no arahina! Tokony ho hajaina sy ekena izany ve ny fangalarana ny harem-pirenena sy ny fanaovana kolikoly, ny famonoana olona, ny lainga tsara lahatra sy ireo ratsy rehetra isan-karazany nanabeazany ny vahoaka malagasy, nandritra ny fitantanany ny fitondrana tetezamita.

Very tadipoitra ka lasa mivoaka sy miditra tahakan’ny lelon-jaza

Sarotra dia sarotra tokoa ny toerana misy an’ingahy mpikiky kapila manjelatra ankehitriny. Sady very ny vola, very ny seza fa indrindra tsy araka ny nampoiziny ny fiodin’ny raharaham-pirenena. Ny loha malemy tsy mikatona sa ny tadipoitra tsy tapaka tsara no mahatonga azy mivoaka sy miditra tahakan’ny lelon-jaza?

Diniho sy lalinanio lalina ihany (inona ny dikanio?)

Diniho sy lalinanio lalina ihany hoy ingahy mpanentana. Ny maha mpikarakara lanonana an’i Rajoelina, sa ny maha mpandroba fitondrana, no mahatonga azy miteniteny foana tahaka izao.

Fehiny, very seza i Andry Rajoelina ka lasa romotra be. Mila mailo i Hery Rajaonarimampianina mivady.

Be mainty

Iza moa izy ireo?

Mpanakanto, politisianina henjana amin’ny famadihana palitao, mpanao afera. Raha izay fotsiny no jerena dia hita soritra fa tsy misy, na ny iray aza olona matihanina amin’ny fanaovana politika ny ao anatin’ity antoko na fikambanana ity.

Miaraka amin’i Prezida Rajoelina ny fanalavana ny atao hoe « MAPAR ». Ity voalaza anarana ity moa dia tsiahivina fa ilay rangahy kely, be ambo, matim-boninahitra, tia mikarakara lanonana fa indrindra nalaza tamin’ny fikikisana kapila manjelatra ary tompondaka eran-tany amin’ny rediredy. Tsy azo adinoina ihany koa nefa, fa i Dijaka no lehiben’ny fandrobana sy namporisika, nanao sorona ireo olona maty, voatifitra ny 07 febroary 2009 teny Ambohitsirohitra. Ary farany, tamin’ny alalan’ny basy sy ny tafondro tamin’ny 17 marsa 2009 no nangalany ny fitondram-panjakana. Izay nahatonga ny fampianarana manarapenitra, ny filoloavana ny ratsy ambony loha, ho an’ireo miray Tanindrazana.

Inona ny tanjon’izy ireo?

Raha ny fahitana ny fihetsika sy ny fomba fanehoana hevitra ataon’ireto olona miaraka amin’i Rajoelina ireto dia tsotra. Tsy tia filaminana ary olona tia setrasetra sy tia miantsy ady. Mampalahelo ny zava-misy ankehitriny satria, olona tsy matahotra ny tody sy kely saina no milaza ho azy fa hitondra ny fiovana eto Madagasikara.

Raha ny fomba amam-panaon’ireto olona mpikambana ao anatin’ity fikambanana ity mankony, dia ny omaly tsy niova ihany. Izany hoe:  » fametrahana ny lainga tsara lahatra ho laharam-pahamehana, ny fanohizana ny fangalarana ny harem-pirenena avo lenta sy ny fampiasana ny fahefana ho an’ny tombotsoa manokana ary ny fanaovana tsindry azo lena ireo tsy mitovy hevitra. »

Rajaonarimampianina no tompon’ny fahefana?

Raha ny fahitana ny toe-draharaha misy ankehitriny dia miroana tanteraka any amin’ny firaisankinam-pirenena ilay governemanta vaovao, izay hitsangana tsy ho ela. Indrisy mantsy ry mpamaky sy mpanaraka ity blog ity, tsy henatra sy tahotra ho an’ireto ekipan’i Dijaka ireto ny milaza fa tsy mety aminy hono izany.

Raha i Hery Rajaonarimampianina no filoha voafidy dia azo lazaina izany fa izy no tena tompon’ny fahefana farany. Enga anie, ka ho zoky lahy tsy Vomanga ny anao lahy. Aoka ihany koa, ny tantara no hitsara fa raha ny fisainan’ireto olon’i Rajoelina ireto no arahana dia ny tsy hivoahan’i Madagasikara anaty lavaka ihany no mety amin’izy ireo.

Be Mainty.




  • Catégories

  • RSS Pakysse au somment de l’ONU sur le Changement Climatique

    • Erreur, le flux RSS est probablement en panne. Essayez plus tard.
  • Foko on Twitter

  • RSS Foko Blog Club

    • Erreur, le flux RSS est probablement en panne. Essayez plus tard.
  • Commentaires récents

    mzar su sur Tsy dokam-barotra ity fa ny ka…
    music marketers sur BARCAMP MADAGASCAR
    bizinfo18 sur TRANO BE ANY ANDRY RAJOELINA A…
    Rasoarimanana sur TRANO BE ANY ANDRY RAJOELINA A…
    http://goanalyze.inf… sur TRANO BE ANY ANDRY RAJOELINA A…
    Heaven sur TRANO BE ANY ANDRY RAJOELINA A…
    Irish sur TRANO BE ANY ANDRY RAJOELINA A…
    Randi sur RT@Leo Politika Maloto: Intern…
    Jeana sur ANDRY RAJOELINA : Un charlatan…
    Etta sur Misaotra an’i Silo
    Stretch sur TRANO BE ANY ANDRY RAJOELINA A…
    Coralie sur March 20, 2009
    Velvet sur TRANO BE ANY ANDRY RAJOELINA A…
    Carley sur TRANO BE ANY ANDRY RAJOELINA A…
    Lucinda sur TRANO BE ANY ANDRY RAJOELINA A…