Archive for the ‘Fahakiviana’ Category

Raha te ho lasa adala ianao na te hidiran-doza na te ho tapaka lalandra! Omeo any Onitiana Realy sy Beatrice Atallah ny volanao dia ho avy mora aminao foana ireo zavatra voalazako ireo.

maxresdefault

ONITIANA V8

Tsy aiko ny fandehany amin’izao ora sy fotoana hanoratako izao. Ohatrinona ny vola efa voangona any amin’ny ramatoa minisitra Realy sy ramatoa ministra Atallah momba ity resaka DIASPORA MALAGASY tiany andray andraikitra ho any firenena ity! Raha mbola tsy misy izay dia tsara sy deraina ny fihetsika asehonareo ry namana. Aza manome fa efa mivoaka ny fefiloha ny voay amin’izao fotoana izao ary tena mandrapaka sy manaikitra izay hitany rehetra eny an-dalambe ry zareo.

Tandremo ry namana malagasy mitady ravin’ahitra aty ivelany fa mamely miafina be ihany koa ny Trambo sy ny biby Dia. Ary manao izay fomba rehetra hitany hitadiavana vola hamenoana ny paosy sy hitadiavana voninahitra.

Maro amintsika angamba no efa mahafantatra fa nahazo fiarakodia tsy mataho-dalana TOYOTA V8 ny minisitra ny mponina malagasy Onitiana Realy.  Tsy nila niasa ela akory ity farany dia efa miliara ny ao am-paosy vao maika izany fa omenareo fanampiana izy, vola tsy nosasarana fa vola adala tompo. Draisy! « Lavie est belle » na « milay be ny fiainana ».

Mamboly voky, tsy mamboly voky 

Amin’ny ankapobeny, ny politika no sehatra lehibe indrindra handaminana ny fiarahamonina, hitadiavana ny soa sy ny tsara ho any firenena. Rehefa tsy mamely ny politika dia manaraka izay onjany izay ny fandehany toe-draharaha! Eto dia tiako sarihina kely vetivety ny sainareo mpanaraka tsy tapaka ity blog ity fa zavatra mahagaga sy mahatalanjona hatrany ny zava-baovao eo amin’ny fampianarana ny ratsy asehon’ireto politisianina malagasy ireto.

Rehefa avy « niala an’Akatso » dia « miditra an’Ambohidempona » indray isika malagasy! Tsy henatra, tsy tahotra ary fasahiana feno habibiana ny fandikako izao fihetsika asehony ramatoa onitiana Realy izao manoloana ny fividianana ity fiara mitentina aminà miliara ity.

Minisitra misahana ny mponina sy ny fiahiana ara-tsosialy ianao ramatoa dia sahinao ny mandakà ireo olona ireo any @ ambavafoany! Olona tsotra, sahirana, mila fanampiana avy any aminao. Olona tsy be teny, mahay miharitra ny fery ao aminy. Olona nabadoana amin’ny fomba maro samihafa, manantena ny ho avy mamiratra hatrany sns. Na dia olona maty heritreritra aza ve ianao ramatoa dia tsy mampaninona ny sainao mandinika izao fomba ratsy ataonao izao?

Ekena fa olona tsy niharitra, olona tsy mahafantatra izany atao hoe fahoriam-bahoaka izany ianao ramatoa minisitra. Mampiasa ny haino aman-jery, hitadiavana vola, dera sy laza ary ny voninahitra no tena talentanao! Teny tsara lahatra no betsaka fa ny ataonao dia mitovy amin’ireo namanao teo aloha sy ireo mpiara-miasa, mpangalatra tsy vanona sy tsy valahara, mpanao politika rehetra ireo.

Na mamboly voky na tsy mamboly dia voky hatrany ianareo mpanao politika ireo! Tohizo ny adalana, ataovy  foana izay mety rehetra hangalarana sy hanaovana tsinotsinona ny mpiarabelona aminareo. Asehoy fa ianareo no tompony fahefana dia araraoty tsara sao rehefa very fihinana vao hitsipozipozy tahaka ireny rafotsy be banga ridana, tsy mahavidy solonify ireny ianareo mianakavy ao.

Toerana hifandimbiasana io Tompokolahy sy Tompokovavy. Mihevera tena fa mampahonena tanteraka ny fihetsika sy ny fomba amam-panao asehonareo. Tsindriko etoana fa tsy mahafaty na mahamenatra ny mampiseo monkodoha sy mitazona ny teny nomeny amin’ny fitadiavana ny soa sy ny tsara ho an’ny firenena sy ny mponina ao aminy. Rehefa misy ny fahadisoana dia tokony mahay miala tsiny,  tsy tokony atao mipetraka eny amin’ny sisi-tosy ny azafady fa ampiasaina isan’andro amin’ny asa aman-draharaha izay nankinina taminareo.

Diaspora malagasy

Raha eo amin’ny lafiny ara-ekonomika dia marina tokoa fa manana ny maha izy azy ireo malagasy sasany, mpila ravin’ahitra ivelany Nosy. Raha ny ohatra aty Amerika Avaratra no zaraiko aminareo dia tahaka izao ny fandehany (Mitovy amin’izao ihany ny fandehany raha expat na olona manana asa tsara mipetraka any Afrika, Asie sy Europe ny malagasy iray tsara karama sy fivelomana).

Eo anelanelan’ny $40 000/an – $80 000/an ny atao hoe « classe moyenne ; Mihoatra ny $80 000/an ny saranga ambony na mpanakarena, mpanefoefo izay 1% ny mponina raha ny aty Canada no asian-teny.

Ny tiako lazaina dia ity: Maro ny malagasy mipetraka aty Amerika no manana ny maha izy azy. Raha ny fitadidiko dia taty mihitsy no nanao antso avo ny governemanta @ tokony andraisany Diaspora malagasy anjara @ fanarenana ny firenena.

Dia hoy aho manoro hevitra sy manipy ny teny any aminareo tapaka sy namana Diaspora malagasy ireo manao hoe: TSIA!

TSIA ny valiny satria olona misy saina sy hendry ianareo ireo ka mitandrema fa fisolokiana avo lenta ny anaranio hataka ataony governemanta-ny MAFIA malagasy io.

Mankalaza,

Pakysse

  • activist blogger
  • #T4D:Technology 4 development ; #M4D:Madagascar 4 development 

Raha ho bangoiko amin’ny andalana vitsivitsy ny zava-misy eto Madagasikara dia tahaka izao: 

ZAVA-MISY:

– Ny harena ao ambany tany (vatosoa, volamena, charbon, pétrole sns.)

– Ny harena eo ambony tany (Hazo sarobidy, biby isan-karazany, voninkazo sns.)

– Ny harena an-dranomasina (biby isan-karazany, voninkazo isan-karazany, pétrole-offshore sns.) Ohatra: Ny orinasa amerikanina EXXON MOBIL dia efa nahazo « permis d’exploitation » hitrandraka io haren’ny Malagasy an-dranomasina io

– Ny harena an-habakabaka ho an’ireo « activiste » na ireo olona manam-pahaizana @ « environnement » sy ny mifandraika @ izany dia mahafantatra tsara ny zavatra tiako ho lazaina fa vola be io resaka io. Ohatra: Ny compagnie AIR FRANCE dia efa nampiasa vola be aminio resaka io!

– Ireo KARANA, AFRIKANINA, SINOA, FRANTSAY, MALAGASY sy ireo fatimbazahy maro isan-karazany mpanao afera cocaïne sy héroïne eto Madagasikara (Any Diego any no fampidirana ny héroïne avy Any Pakistan raha haka ohatra Iray isika)

– Ny harena lehibe indrindra dia ny OLOMBELONA ( miroborobo ny fatimbazahy « retraité » sy ny fatimbazahy tsy misy valera manenjika ny tanora lahy sy vavy mpaka sy mpamotika ny taranaka.

– Ny Olombelona sy ny Aliaka dia miaraka sahirana, mitady ny sakafony ao anaty zoridira.

– Ny fandefasana ny malagasy hiasa Any ivelany ho lasa ANDEVO (esclavage moderne).

– Ny tena mampatahotra indrindra amin’izao fotoana izao ihany koa dia ity resaka État Islamique (EI) ity. Misy io tompokolahy sy tompokovavy ary isan’ireo mpamatsy vola be an’ireo ny KARANA mpanankarena eto Madagasikara.

Misy io ary efa betsaka ireo mpampianatra ny CORAN Any anatin’ireny mosquée ireny no efa misy manaramaso. Avy any Syrie any izao efa betsaka ry zalahy no mody mampianatra ireo tanora malagasy kely saina, marivo salosana, malemy fanahy… Nohon’ny fahantrana dia voatarika amin’ny resaka « extrémisme religieux ».

VOKANY:

– Ny Malagasy dia tsy mahazo manofy hanana fiainana tsara

– Ny Malagasy dia atao tohatra fiankaran’ny mpanao afera maloto sy ny politisianina.

– Ny malagasy dia bedy sy migadra raha te higoaka ny fahasoavana azo avy amin’ny harem-pireneny

– Fanabeazana amin’ny ratsy no misy eto amin’ny Firenena.

– Lojika raha iomehezan’ireo vahiny fotsiny isika. Satria, isika ihany no manimba ny hasin’i Madagsikara sy ny maha Malagasy antsika ( donnez-nous argent mpamatsy vola/CI)

FEHINY:

– Nandritra ny fitondrana TETEZAMITA no tena nampiroborobo ny resaka MAFFIOSI teto Madagasikara.

– Ny politisianina malagasy, tsy an-kanavaka, miampy ireo « opportunistes » vaovao hilatsaka @ fifidianana izay ho Ben’ny tanana eo, dia mila manana loha malemy efa mikantona tsara ary tokony masahy mandray andraikitra, amin’ny fitadiavana ny soa sy ny tsara ho an’i Madagasikara sy ny mponina ao aminy.

– Isika « contribuables » na isika mpandoa hetra indray, dia tokony matotra sy mahay manaraka ny fandehany volantsika ary tsy tokony variana amin’ny « politique partisane/fanatique » ka rehefa miaraka ny MAPAR sy ny TIM dia eo vao ankina avokoa (infantilisation)

Pakysse

DSCF3400

Eny amin’ny farihin’Ambohibao (lac Ambohibao) no misy ity tranobe manarapenitra ity. Nandritra ny fitondrana tetezamita no nipoiran’izy io.

Mahantra sy sahirana tanteraka ny vahoaka malagasy. Nefa, ny tany midadasika, ny harena an-kibon’ny tany, an-dranomasina, an-tanety ary an-hanabakabaka mirarakopana misy eto amin’ity Nosy malalantsika ity, dia tsy manampaharoa. Ny firaisankinan’ny rehetra, eo amin’ny fitadiavana ny rariny sy ny hitsiny dia tokony atao soa iombonana, ho an’ireo taranaka Fara sy Dimby.

Aiza ho aiza ny tohin’ilay tantara Ravatomanga manoloana ny fitsarana?

Raha ny tsiliantsofina dia milamina tsy misy olana ny afera maloton’n’ingahy Mamy manoloana ny fitsarana ankehitriny. Notabatabaina, ho re tany, ho ren-danitra manerana izao tontolo izao fa hitondra fiovana ingahy « comptable » ( Hery Rajaonarimampianina). Izany hono ny antony, nampiakarana an’i  Ravatomanga teny amin’ny fitsarana. Ka, mody nanaovana ireny sarin’ady ireny, mba hanadiovana an’i prezidà, fa mandray andraikitra tokoa ity farany.

Ny fiheverana ny malagasy ho donto sy tsy misy saina dia mampiomehy tokoa. Matetika nefa, ny mpanao politika sy ny mpanao afera maloto teto amin’ity firenena ity dia afabela foana. Ka izay indrindra no tsy tokony hanekena ireo tsy maty manota. Isan’izany, ity afera mitana ny sain’ny maro ity!

Halako bika tsy tiako tarehy

Tsy ny fanaovana « halako bika tsy tiako tarehy » ny tanjona eto. Ny fanairana ny saina sy ny fitaterana manarapenitra ny zava-misy eto an-Tanindrazana no tena tiana hasongadina. Nandritra ny fitondrana tetezamita mantsy, tsy nisy olona tsy niaiky fa dia mpanakarena ary olona tsy azo natao na inona na inona izany Mamy Ravatomanga izany.

Amin’izao ora sy fotoana hanoratana izao, maro ireo olom-pirenena tsotra, no miandry ny tohin’ilay tantara fanondranana Andramena? Mangony fotsiny, ny aferan’i SODIATRANS izay notaterin’i Zakariasy Patrick.

Ny teny famaranana tompokolahy sy tompokovavy, mikasika an’ity deba be ity dia tsotra. Ny mpitsara malagasy, tia kolikoly dia tokony manatsahatra ny fanaovana mazia, mazia eo amin’ny tontolon’ny Tribonaly. Satria, olona manana hazon-damosina sy misy saina raha ny fahafantarana azy ireo. Izany hoe, ilay fahazarana mamoaka didy: « Afaka nohon’ny fisalasalana » dia mila havadika « fanagadrana nohon’ny porofo mivaingana ».

Be Mainty

 




  • Catégories

  • RSS Pakysse au somment de l’ONU sur le Changement Climatique

    • Erreur, le flux RSS est probablement en panne. Essayez plus tard.
  • Foko on Twitter

  • RSS Foko Blog Club

    • Erreur, le flux RSS est probablement en panne. Essayez plus tard.
  • Commentaires récents

    mzar su sur Tsy dokam-barotra ity fa ny ka…
    music marketers sur BARCAMP MADAGASCAR
    bizinfo18 sur TRANO BE ANY ANDRY RAJOELINA A…
    Rasoarimanana sur TRANO BE ANY ANDRY RAJOELINA A…
    http://goanalyze.inf… sur TRANO BE ANY ANDRY RAJOELINA A…
    Heaven sur TRANO BE ANY ANDRY RAJOELINA A…
    Irish sur TRANO BE ANY ANDRY RAJOELINA A…
    Randi sur RT@Leo Politika Maloto: Intern…
    Jeana sur ANDRY RAJOELINA : Un charlatan…
    Etta sur Misaotra an’i Silo
    Stretch sur TRANO BE ANY ANDRY RAJOELINA A…
    Coralie sur March 20, 2009
    Velvet sur TRANO BE ANY ANDRY RAJOELINA A…
    Carley sur TRANO BE ANY ANDRY RAJOELINA A…
    Lucinda sur TRANO BE ANY ANDRY RAJOELINA A…