Miady amin’ny drepanocytos ny kolontsaina mainty amin’ny alalan’ny Haintso Haintso (Hip Hop)

image

Bigga Tovo; Bandin’Karnaz

image

1 – Manomana hetsika ny kolontsaina mainty ao Antsahamanitra ny 22 Jiona ho avy izao. Afaka omen’ialahy fanazavana misimisy ve ny mpanaraka ity blog ity ra Big?

Salama daholo ary faly miarahaba ny mpitsidika sy mpamaky ity blog ity. Ie manomana hetsika maimaimpoana ny label "Kolotsaina Mainty" amin’ny alahady izao ao Antsahamanitra amin’ny 1 ora talakandro "zaza rap taiza" no anarany. Hetsika natao hampafantarina ny Malagasy ny ady amin’ny drepanocytose. Satria anio alakamisy 19 jiona ny andro iraisam-pirenena aminio areti-mandoza io manerana izao tontolo izao. Ny drepanocytose moa dia aretina manaranaka ny rà (sang) ka miteraka tsy fahatomombanan’ny fiarovana ao amin’ny vatana. Marihina fa ny hetsika "Zaza Rap Taiza" izay atao ny alahady izao dia hetsika maimaimpoana tsy misy vidim-pidirana ka ny fahatongavanao ao no maneho ny fanohananao ny ady atao amin’ity aretina ity. Raha misy moa ny mila fanazana fanampiny dia tsidiho ny pejy facebook Zaza Rap Taiza , na ny http://www.kolotsainamainty.com

2 – Ny fifandraisan’ny drepanocytos sy ny kolontsaina mainty mivohy ny HH?

Ny fifandraisan’ny "Kolotsaina mainty" amin’ny ady atao amin’ny drepanocytose eto Madagasikara izay iandreketan’ny Ong LCDMF dia fiaraha-miasa maimaimpoana sy fifanampiana. Izany hoe ny "kolotsaina Mainty" dia mihezaka manao izay vitany, sy mampiasa izay traikefa kely hanany amin’ny fampafahatarana ny ONG LCDMF. Ny "Kolotsaina Mainty" moa dia label mozika urbaine izay hivondronan’ny artiste sy fikambanana maromaro toa an-dry Kougar, karnaz,… Ny zavatra tsapanay dia ny tsy fahampian’ny ady atao amin’ny drepanocytose nohon’ny tsy fahafantaran’ny olona ilay aretina satria marihina fa ny fangalana rà ihany no hafahana mahafantatra azy ity. Ny zazakely no tena voan’izy io. Raha tsy hiteny fotsiny ny eto afrika isika dia 300.000 isan-taona ny zaza teraka mitondra an’io aretina io. Izaho manokana dia mino sy manatena foana fa ny ankizy no hoavin’ny firenena ka ny fitsinjovana ny fahasalaman’izy ireo dia tokony ataon’ny fanjakana vaindohan-draharaha. Raha ny marina dia tsy izahay mpihira rap majinika kely aty no tokony hanao an’izao fa tokony asan’ny fanjakana. Nefa moa rehefa tsy hanao ny fanjakana, dia raisinay ny andraikitra satria mampalahelo ihany ny mahita fa mbola misy ny zazakely matimaty fahatany noho ny tsy fitiliana na ny tsy fahafantarana ara-potoana ny aretina mahazo azy izay azo tsabona tsara. Misy moa ny hira noforon’ Kougar izay atolotra ho an’ireo zaza tratran’ny drepanocytose.

3 – Bandy sy sipa maro no ampirevy mandritra ny hetsika. Hafatra fohy?

Eka! groupe eo amin’ny fito eo no ampirevy ao Antsahamanitra amin’ny alahady izao. Isan’izany i Kougar zanak’i Thiera Bruno, ho avy ao koa i Dadlah, Ben J kofa dahopp, ao koa i Joudas bandy revelation avy any Toamasina, ho avy ao koa moa ny tarika Karnaz izay misy ny tenako, ho avy ao koa i Psykopasy avy amin’ny Xcrew. Hanafana ao ihany koa ry Jiolamb’ups izay isan’ny fikambanan rap misondrotra amin’izao, ary ny fikambanana farany dia ry Martiora freedom izay fikambanana "coup de coeur" ankafizin’ny tanora amin’izao fotoana izao. Nihezaka moa ny tena miaraka ireo ekipa mba ho ho tafiditra ao daholo ny "genre sy tendance" eo amin’ny mozika black rehetra misy eto amintsika. Mbola haveriko ihany fa hetsika tsy handoavam-bola ny amin’ny alahady ka dia asaina daholo ianareo tia mozika sy liana te hanampy na te hahafantatra bebe kokoa momban’ny ady atao amin’ny drepanocytose eto Madagascar izay mahazo ny 9% ny malagasy.

ANDRY RAJOELINA : Tsy mba menatra ve?

Raha tsy hilaza ilay oham-pitenenany manao hoe : « Tsy famenoana ny banga tsy azo taloha akory ny tetezamita. » Dia gaga sy talanjona tanteraka ny tena raha nihaino any Andry Rajoelina nitafa tamin’ny mpanao gazety. Nilaza Mankony andriamatoa « filohan’ny repoblika tsy demokratika any Madagasikara» fa tsy fotoanan’ny fangatahana izao andron’ny tetezamita izao.

4 taona aty aoriana dia tsy nisy ny fihovam-pitenenana sy ny fihetsika ary ny fomba fijerin’andriamatoa mpanentana. Ho anay « blogueur activiste » na « journaliste citoyen » miady amin’ny resaka « injustice » sy « pauvreté » dia tsy azo ekena izao zavatra mitranga eto amin’ny firenena izao, fa indrindra ny fomba ratsy izay tiany Andry Rajoelina sy ny forongony hapetraka ho lova an’ny taranaka malagasy.

« Disc » lany herinaratra sy valinteny boraingina sisa ny zavatra takatrin’ny sainy, any ka lasa sahirana ny vahoaka mahazo izany nohon’ny fahaizany mampiasa ny hery famoretana sy ny fanaovana tsinotsinona ny fahafahana maneho hevitra, anatin’ny didin’ny be sandry.

Naneho hevitra satria tsy nety tamin’ny fomba fijeriny ny zavatra ataon’ny fitondrana ankehitriny sy ny miaramila. Nanotrona ny hetsika nokarakarain’ny ankolafy Ravalomanana ny asabotsy 28 Aprily lasa teo dia voasambotra satria namoaka vava ireo miaramila mpitam-basy ity rangahy ity.

ANDRY RAJOELINA : Aoka izay ilay manao be resaka fa tsy vahoaka bado akory ny malagasy !


Pakysse

Ny fanabadoana sy ny fanaovana tsinotsinona ny vahoaka malagasy dia toetra iray tsy ho afaka ao amin’ny Andry Rajoelina intsony. Noho izy manana talentana amin’ny fampiresahana dia rendrika tanteraka anaty haizina ny firenena sy ny vahoaka malagasy any ka ny manao didin’ny be sandry sy ny mampiasa hery famoretana sisa no takatrin’ny sainy sy ny manodidina azy.

Any amin’ny firenena mandroso, rehefa tsy mandeha ny raharaham-pirenena dia ny mametraka fialana no fahendrena tsara indrindra. Eto Madagasikara kosa dia ny mifanohitra ny amin’izay no misy : « 51 taona aty aoriana ny nahazoana ny fahalaeovan-tena, mpitondra be resaka sy mpamitaka ary mpangalatra sy mpanao ratsy no mbola mizizo sy milaza ho azy fa henjana.»

Raha manaiky fa filohan’ny firenena tsy demokratika, amin’izao fitondrana tetezamita hiraisan’ny mpanao politika mpamono vahoaka tsy an-kanavaka, nametraka ny fitondran’ny omaly tsy niova izao i Andry Rajoelina, dia mety hilamina ny fiheveran’ireo olom-pirenena mitady ny soa sy ny tsara fa olona manana fiheritreretana tokoa ilay rangahy.

POLITIKAN’NY FANABADOANA : Hita soritra ihany ny maha filoham-pirenena tsy voafidim-bahoaka any Andry Rajoelina!


Pakysse

Mihezaka ny mandresy lahatra etsy sy aroa fa manana ny rariny i Andry Rajoelina fa indrisy raha mba misy mihaino ! Any ka ny politikan’ny fanaratsiana sy ny famoretena sisa ny zavatra ainy.

Raha ny fijeriko izao toe-draharaha misy eto amin’ny firenena izao dia fotoana sisa no andrasana dia ho tonga amin’ny fipoahan’ny sarom-bilany indray ny vahoaka malagasy raha minia ny tsy mijery ny zava-misy ireo mpitantana tsy voafidim-bahoaka ireo.

Maro ireo karazana sehatra misy eto amin’ny firenena no mitabataba sy mitaraina fa efa tsy rariny intsony izao zavatra am-piainana ny vahoaka izao.

Ohatra : Ny aretina sy ny fahafatesana azo amin’ny sakafo ratsy kalitao, ny tsy fahandriam-pahalemana, ny fitakian’ireo mpianatra te hianatra sy te hanapitra ny fanadinana izay rahonana amin’ny basy sy ny lakrimozena, ny kolikoly avo lenta misy eo anivon’ireo karazana biraom-panjakana maro samihafa, ny fanaovana tsinotsinona ny harem-pirenena malagasy, ary vao tsy ela akory dia nisy mpianatra maty voatifitra tany Toamasina nohon’ny tsy fisian’ny fanajana ny zon’olombelona avy amin’ny polisy sns.

Ny zavatra mapametraka ny fanontaniana ihany koa dia ity : Inona moa izany ny andraikitra tena sahanin’ny Andry Rajoelina raha tsy hitanisa ireo ohatra voalaza etsy ambony ireo sy ny olana misy eo anivon’ny SMM sy ny POLISIM-PIRENENA raha alefa lalindalina kokoa ny famakafakana?

Raha nihaino ny kabarim-pahatsiarovana ireo olona namoy ny ainy ny 7 febroary ny tena dia gaga sy talanjona tokoa raha nilaza fa teo akaikin’ny vahoaka ny tenany nandritra iny fotoana iny ary akory ny fahatairana raha mbola nilaza ingahy Rajoelina fa mbola eo akaikin’ny vahoaka izy ary tsy hivadika na oviana na oviana aminy ?

ENY ARY FA IZAO : TAIZA IANAO ARY INONA NY FANEHOAN-KEVITRA NOLAZAINAO NANOLOANA IREO OLONA VERY FANANANA SY NAMOY NY AINY MARO BE NY 26 JANOARY 2009? TAIZA IANAO ARY INONA NY ANDRAIKITRA NORAISINAO NANOLOANA ILAY TOVOLAHY MATY VOATIFITRA TSINAHY TENY TALAMATY TAMIN’NY FITSENANA AN’ANDRIAMATOA RAVALOMANANA VAO TSY ELA AKORY IZAY?

Aleo tsy manao lava resaka fa maha be nify hoy ny fitenenana. « Hatsipy ny tady eny an-tandrokin’ny omby ary ny teny eny am-pon’ny mahalala. "

"TOURNAGE" NY FANDAHARANA KOZY LIBERTY NY ALAROBIA 23 NOVAMBRA LASA TEO!

Ny KOZY LIBERTY dia fandaharana mandeha amin’ny fahitalavitra RTA, sehatra iray natokana ho an’ny tanora mba ahafan’izy ireo maneho hevitra ankalalahana. Manasa antsika namana sy tapaka mpanaraka ity bilaogy ity ny asabotsy 26 Novambra amin’ny 5 ora hariva izao aza ny tenako mba hijery izany fandaharana izany.

Ireo tanora liana tamin’ny ady hevitra niandry teo an-tokontany.

Jaojaoby manao fanomanana

Ireto izahay ekipa mavesatra :)

Ireto ireo ankizy manohana ny hevitra fa ny internet dia mahasolo ny toro hevitra avy amin’ny ray sy ny reny.

Ireto ireo ankizy nahita fa ny toro hevitra avy amin’ny ray sy ny reny dia tsy azo soloina ny internet.

Pakysse nanazava ny heviny

Jaojaoby nanazava ny heviny rehefa avy nihira nandritra ny 1 minitra.

I Christian no nanolotra ny ekipa mpandresy notronon’ireo mpitsara namany.

Izahay ekipa mpanohana ny TSIA niaraka naka sary tamin’ny Tax. (iray amin’ireo mpanolotra ny fandaharana KOZY LIBERTY)

Sarim-pianakaviana. Ny mpandresy tsy hobiana ary ny resy tsy ankoraina (Araka ny hevitrao, iza ary ireo ekipa naharesy?)

NY ADIDY TSY HO AN’NY OLONA RATSY!

Ny sedram-piainana dia tsy tokony atao mahakivy velively, ary tokony masahy miatrika izany isika tsy an-kanavaka. Isika malagasy moa manana ilay fomba fiteny manao oe ny adidy dia tsy an’olona ratsy, koa araka izany andeha ho zaraiko vetivety aminareo ny mahafinaritra amin’ny fanaovana ny soa ny manodidina azy.

Dadabe Avy Nianjera

Ny zavatra tsapako dia tsotra: Raha tsy teo ireo olon-dehibe ireo dia tsy tonga teto aho. Na inona tsy fitoviam-pijery sy tsy fitovian’ny vanim-potoana iainana dia aleo hajaina sy omena ny hasiny ihany ry zareo.